「點解你咁大個都硬係無時停、坐唔定?」
「點解你咁大個,仲係攞一樣野,實會整跌其他野?」
「大個仔喇,得閒執好吓自己啲野,唔好通處放啦!」
「大個仔啦!可唔可以斯文啲?」
「咁大個仔用筷子都用得咁差,夾餸都夾唔穩!」
「咁大個仔仲成日咬手指?」
「大個仔喇,仲成日掛住玩,專心溫書啦,就快考試喇!」
「你咁大個仔,仲係無厘正經嘅!」
對我以上的說話,兒子總是回應如下:
「唏!咁我仲係小朋友丫嘛,梗係咁啦!大個就唔會。」兒子一臉佻皮(扮可愛)地說。
「吓?(佢仲細咩?)」
***************************************
「小朋友,記住執好書包,帶齊功課!」
「小朋友,天氣凍,記得著多件衫呀!」
「小朋友,去街咪去到咁夜返!」
「小朋友,買完野記住找錢呀!」
「小朋友,好夜啦,仲唔捨得瞓呀?」
「小朋友,邊駛用咁多零用錢呀?」
「小朋友,去旅行時要處處小心,唔好手多腳多。」
「小朋友,唔好行咁快,等埋我先啦!」
聽到我以上的說話,兒子的回應是:
「媽咪呀!我大個仔喇,唔好再叫我做小朋友啦!」兒子扁哂咀投訴,還差點想踏地呢!
「吓?(乜突然變大個仔咩?)」
***************************************
「大少,究竟你幾時係小朋友?幾時係大個仔?你搞到我好亂!」
[…] Lomichee(第九期話事人係佢) […]
以上對話,無論係幾歲又好、十幾歲又好、廿幾三十歲都好,阿爸阿媽都係咁講!
自己仲係「兒子身份」,感受特別深,特別係阿媽每晚都話:
「咁夜你都仲唔訓?」
無論子女年紀有多大,當媽媽的,永遠都擔心他們會缺這欠那的,總要提點他們,放不下心。
[…] Lomichee 周遊 Readandeat 微豆 木棉_簡單快樂 Athrunz […]
我都想偶爾做番下小朋友!
Nankin,
哈!這是很多大人的心聲。
哈哈,又幾傳神 😀
michelle,
謝謝。呢個大少話大唔大,話細唔細,有時幾令人頭痛。