後生可畏(一)

本來正落筆寫對電視劇《巾幗梟雄》的觀後感想，但跟大少分享過他這幾天的學校生活後，實在滿懷感觸，不得不把該文暫時擱置，先來抒發一下。
事件一：
「媽咪，同班同學 B 失踪咗幾日(沒有上課幾天)，今日佢終於返學喇，我問佢點解呢幾日唔返學時，你估佢嘅答案幾嚇人。」
「有幾嚇人呀？講嚟聽吓！」
「原來佢嗰日喺學校附近間便利店“撻嘢”(偷竊)呀。」大少說時竟用手掩著咀，像在告訴我一個天大秘密一樣。
「吓？咁點呀？」(又真係幾嚇人)
「俾人即場捉住囉！佢仲著住校服添。跟住人地即刻報警，佢咪俾人拉咗番警署，仲要等佢爹哋媽咪去警署保釋佢先至走得呀。」
「咁佢偷咗乜嘢？」
「唔知呢，好似係一盒糖。」
「吓？為咗一盒糖？」
「好似係咋，便利店都係得呢啲嘢可以偷，就係咁，所以佢無返幾日學。」
「佢點解咁傻呀？店舖盜竊，係刑事罪行，要留案底喎，電視都有教啦。」
「點知佢丫！可能貪得意，又或者以為人地睇唔倒佢啩。」
聽到這裡，我不禁替這孩子惋惜，才不過十二三歲的少年，竟為了一時貪念而甘心冒險犯法。在現今是資訊發達的年代，電視廣告便曾多番播放：「店舖盜竊，屬刑事罪行，一經定罪，即留有案底」，告誡年青人切勿以身試法，連我四五歲的小侄兒也知道，為何這位少年竟然還做出如此愚蠢的行徑？
他在偷竊時，到底在想什麼？真的是貪得意？果真如此，這「貪得意」亦未免付出太大代價。一盒糖值多少元？現今的家庭子女數目少，生活質素亦比以前好，一般家長都會給予零用錢他們的子女，買些零食或文具，加上八達通通行，即使身上沒有錢，也可當作現金使用。他可知道，一旦留有案底，往後的路有多難行？即使他所偷的物品貴重如黃金，也絕不值得把自己的前途賠上，現在他可能還未想到將來那麼遙遠，總之「想做就去做」，但可知貪今天一時之快，他朝會後悔莫及？待再過幾年，他思想真的成熟了，或者出來社會謀生時，他如何面對自己今天所犯的錯？別人一定會給他機會嗎？偷竊不單要負上刑事責任，更令人懷疑他個人的誠信，試問一個沒有誠信的人，怎能得到他人信任？大錯已成，能悔不當初嗎？
我無法預知這孩子的將來，只是作為母親，可以想像他的父母，在接獲自己的孩子犯了法，正被警署扣查時，已嚇得魂飛魄散，還要面對他要上庭受審，要留有案底的事實時，那心情是多麼的沉重，多麼的難過。既成事實，但願這孩子知錯能改，好好的唸書，不要再重蹈覆轍，以體親心。

Read Full Post »